EKO-LETER

Historiku

Eko Letër sh.p.k është një kompani shqiptare e themeluar në vitin 2009 nga vëllezërit Miraka, fillimisht me fokus në importimin e produkteve të bazuara në letër për ambalazhim ushqimor dhe industrial. Me kalimin e viteve, kompania ka evoluar nga një mikro-investim familjar në një prodhues të rëndësishëm, duke shfrytëzuar kapacitetet fizike dhe financiare për të përmbushur nevojat e tregut.

Në vitet e para të aktivitetit, u përballëm me sfida të mëdha për shkak të zhvillimit të shpejtë të tregut të ambalazhimit të letrës. Megjithatë, përkushtimi dhe aftësia jonë për t’u përshtatur, na mundësoi që në fund të ciklit pesëvjeçar arritëm të prodhonim çantën e parë prej letre në Shqipëri, duke shënuar një moment të rëndësishëm në zhvillimin e kompanisë.

Me kalimin e kohës, kemi investuar në fushën e marketingut, shitjeve dhe teknologjisë së prodhimit, duke rritur ndjeshëm kapacitetet tona prodhuese dhe zgjeruar ambientet tona të punës. Sot, Eko Letër operon në dy vendndodhje strategjike në Tiranë dhe Gramsh, duke përmbushur nevojat e klientëve vendas dhe ndërkombëtarë me një gamë të gjerë produktesh të personalizuara.

Suksesi i kompanisë sonë është rezultat i përkushtimit të pandërprerë ndaj cilësisë, inovacionit dhe bashkëpunimit me klientët tanë. Me mbi 1500 klientë, kryesisht në Shqipëri, ne jemi krenarë për përkushtimin dhe profesionalizmin që ofrojmë në shërbimin e një spektri të gjerë klientësh, si në tregun shqiptar ashtu edhe në atë ndërkombëtar, përfshirë Itali, Greqi, Gjermani, Francë, Mali i Zi dhe Kosovë.

Në përfundim, dëshirojmë të falenderojmë të gjithë ata që kanë besuar në vizionin dhe përpjekjet tona, duke përfshirë partnerët, klientët dhe sigurisht, punonjësit tanë, të cilët përbëjnë thelbin e këtij suksesi të vazhdueshëm.